Bllagoja Milevski: Po përballemi me shumë probleme, por derisa kemi shanse do të luftojmë për një vend më të lartë

Bllagoja Milevski: Po përballemi me shumë probleme, por derisa kemi shanse do të luftojmë për një vend më të lartë

eleksionuesi i përfaqësueses A të Maqedonisë, Bllagoja Milevski, në një konferencë për shtyp ka dhënë një sqarim në lidhje me lojtarët e thirrur për ndeshjet e përfaqësues sonë më të mirë nga Liga e Kombeve kundër Gjeorgjisë (Tbilisi, 23 shtator) dhe Bullgarisë (Shkup, 26 shtator).

Blagoja Milevski – seleksionuesi i përfaqësues A të Maqedonisë:

“Nuk është rastësi që në listë janë 27 futbollistë. Kemi shumë probleme dhe gjëra të paplanifikuara për shëndetin dhe formën e disa futbollistëve. Nuk jam i kënaqur me këtë dhe për këtë arsye janë thirrur shumë futbollistë. Gjithashtu, disa nga lojtarët nuk kanë klube, disa prej tyre, thuhet se kanë gjetur një klub një ditë më parë, për të mos folur për formën. Të gjithë duhet të përshtaten me formën në të cilën janë. Ne kemi arritur një nivel që mund të jetë çuditërisht i lartë jo vetëm për publikun tonë, por edhe më gjerë, dhe është detyrë e të gjithëve ne të qëndrojmë në këtë nivel, me një tendencë për të qenë më të mirë”.

“Këta djem na befasojnë rregullisht, veçanërisht kur skuadra po përballet me probleme. Djemtë tregojnë gjithmonë se janë në gjendje të punojnë për ekipin. Këto probleme na japin një motiv shtesë dhe përderisa ka shanse do të bëjmë maksimumin për të luftuar për renditjen më të lartë. Ne i përdorim këto ndeshje në Ligën e Kombeve për të formuar imazhin e ekipit se si duhet të duket në të ardhmen”.

“Sa i përket shëndetit të lojtarëve, kemi probleme me Darko Çurlinovin, duhet të shkojë për ekzaminime shtesë dhe më pas do ta dimë situatën, por shpresoj që asgjë të mos jetë serioze. Sa i përket Ilija Nestorovskit, ai është një lojtar që i ka dhënë shumë Maqedonisë dhe aktualisht nuk e meriton të thirret vetëm për të luajtur pesë deri në dhjetë apo 15 minuta. Kur Nestorovski të thirret, kam në plan ta shfrytëzoj me minuta maksimale dhe aktualisht Milan Ristovski dhe Bojan Miovski janë në avantazh sepse janë në formë më të mirë”.