Ballkani e mbyll me humbje aventurën europiane

Ballkani e mbyll me humbje aventurën europiane

Ballkani zhvilloi një ndeshje shumë të mirë në Rumani, por humbi 1-0 ndaj Cluj dhe e mbylli me humbje aventurën në Conference League, duke u renditur në vendin e fundit në grupin G me 4 pikë.

Kampionët e Kosovës zhvilluan një futboll të bukur edhe në sfidën e fundit, iu afruan disa herë golit me Berishën, Rrahmanin, Korenicën dhe kapitenin Kuc, ndërkohë që Nana Boateng realizoi golin e fitores për vendasit në minutën e 17’.

Cluj, që siguroi kualifikimin falë suksesit ndaj Ballkanit duke nxjerrë Slavian e Pragës jashtë Europës, pati dy mundësi të arta në minutën e 35’, por Stivi Frashëri priti dy penallti të njëpasnjëshme të 36-vjeçarit Ciprian Deac.

Ballkani arriti një fitore në Turqi ndaj Sivassporit (3-4) dhe siguruan pikën e parë në fazat e grupeve pas barazimit 1-1 me Cluj në “Fadil Vokrri”, ndërkohë që luajti si i barabartë me kundërshtarët në gjashtë takimet e grupit G.

Djemtë e Ilir Dajës guxuan, prodhuan një futboll të bukur e modern dhe dhuruan emocione të forta për tifozët shqiptarë në aventurën e parë europiane të një ekipi dardan.