Amerikanët vrasin njërin prej përgjegjësve të pretenduar të sulmit mbi anijen ushtarake

Amerikanët vrasin njërin prej përgjegjësve të pretenduar të sulmit mbi anijen ushtarake

Presidenti Donald Trump thotë se Shtetet e Bashkuara kanë vrarë një nga personat që mendohej se kishte organizuar bombardimin në anijen ushtarake USS Cole, që shkaktoi vdekjen e 17 marinarëve në vitin 2000.

 

Javën e kaluar, zyrtarët e ushtrisë amerikane thanë se një goditje ajrore me precizion të lartë në Jemen të martën, kishte vënë në shënjestër al-Badawin, një nga gjashtë operativët e al-Kaidës që janë shpallur fajtorë për bombardimin, që është pjesë e listës së FBI-së për më të kërkuarit..

Në tetor 2000, 17 marinarë amerikanë nga destrojeri USS Cole vdiqën në një sulm vetëvrasës me bombë në portin e Adenit. Dhjetra të tjerë u plagosën. Al-Qaida mori përgjegjësinë për sulmin.

Al-Badawi u arrestua nga Jemeni në vitin 2000, u arratis nga burgu në vitin 2003 , u rikap nga autoritetet jemenase në vitin 2004 dhe u arratis përsëri në vitin 2006.