Aksident tragjik në Greqi, ndërron jetë një 18-vjeçar shqiptar

Aksident tragjik në Greqi, ndërron jetë një 18-vjeçar shqiptar

Një 18-vjeçar shqiptar ka ndërruar jetë në Chalkidiki të Greqisë si pasojë e një aksidenti me motor.

Motori me të cilin po udhëtonte humbi kontrollin e si rrjedhojë doli nga rruga, përplasja ishte aq e fortë sa që shqiptari humbi jetën në vend, shkruajnë mediet helene.

Ndërkohë mësohet se drejtuesi i motorit, shtetas grek është lënduar. Shqiptari ndodhej pas shokut të tij, hipur mbi motor kur mjeti doli nga rruga.

Pasi të dalë nga spitali ai do të arrestohet pasi drejtonte motorin pa leje drejtimi.