Afro 150 mijë besimtarë falin namazin e Kurban Bajramit në Al-Aksa

Afro 150 mijë besimtarë falin namazin e Kurban Bajramit në Al-Aksa

Në kompleksin Al-Aksa në Kuds afro 150 mijë besimtarë e falën namazin e Kurban Bajramit, raporton Anadolu Agency (AA).

Sot muslimanët në mbarë botën festojnë të parën nga katër ditët e Kurban Bajramit ndërsa besimtarët namazin e Bajramit e falën në kompleksin Al-Aksa në Kudsin Lindor.

Zyra për Vakëfet Islame në Kuds njoftoi se afro 150 mijë besimtarë nga Palestina dhe vende të tjera të botës morën pjesë në namazin e Bajramit.

Namazi u pasua me urimin tradicional dhe ofrimin e ëmbëlsirave.

Nga ana tjetër, agjencia palestineze e lajmeve WAFA raporton se policia izraelite është vendosur që nga mbrëmja e kaluar në pjesën e vjetër të Kudsit Lindor.

Policia izraelite kontrolloi hyrjen në kompleksin Al-Aksa dhe nuk lejoi shumë palestinezë të hynin.