` . Vuçiq e quan vendim të mirë heqjen e reciprocitetit - TV-SHENJA

Vuçiq e quan vendim të mirë heqjen e reciprocitetit

Presidenti i Serbisë, Aleksandar Vuçiq tha se është vendimi i mirë heqja e të gjitha pengesave tregtare ndërmjet Kosovës dhe Serbisë.

“Një vendim i mirë nga Prishtina që të heqë barrierat në tregti”, ka thënë Vuçiq për televizionin serb “Prva”.

Ky reagim i presidentit serb, vjen pak kohë pasi Qeveria e Kosovës votoi për heqjen e masave të reciprocitetit ndaj Serbisë, që ishin vendosur më 1 prill.

Avdullah Hoti tha se shfuqizimi i vendimit për masat e reciprocitetit, është bërë për t’i hequr të gjitha pengesat për vazhdimin e dialogut.

Por, ai kërkoi që edhe Serbia të heqë pengesat, siç është fushata për çnjohjet e pavarësisë së Kosovës.