` . (VIDEO) Zaev propozon shkurtim të pagave shtetërore dhe subvencionim të sektorit privat - TV-SHENJA

(VIDEO) Zaev propozon shkurtim të pagave shtetërore dhe subvencionim të sektorit privat

Pagë minimale prej 14.500 denarë për të gjithë të punësuarit në sektorin privat dhe kompenzim në vlerë prej 50% të pagës mesatare për të gjithë ata që do të humbin vendin e punës. Këto janë pjesë e pakos së propozuar nga kryetari i LSDM-së, Zoran Zaev, si masë për shpëtimin e ekonomisë dhe gjendjes ekonomike të qytetarëve. Zaev tha se këtë shumë do t’ua paguajë shteti të gjitha kompanive të prekura nga kriza me koronavirusin, ndërsa kompanitë do të kenë të drejtë të paguajnë edhe më shumë të punësuarit nëse kanë gadishmëri.
Zoran Zaev, kryetar i LSDM-së
“Pagë minimale për prill dhe maj e siguruar nga shteti për çdo të punësuar në kompanitë e prekura nga kriza. Për të gjitha kompanitë private të prekura nga kriza Qeveria do të ndihmojë me pagesën e një page minimale neto për të punësuar, 14.500 denarë, pagë minimale nga dhjetori 2019 edhe atë për muajt prill dhe maj. Kompanitë vetë do ti paguajnë kontributet, ndërsa mbetet edhe mundësia për kompanitë që të paguajnë edhe diçka më shumë se paga minimale që edhe e presim. Nga 99 veprimtari, të paktën gjysma janë prekur nga kriza por dihen edhe veprimtaritë që nuk janë prekur nga kriza ose janë prekur minimalisht.  Pagë mujore, dëmshpërblim material edhe për qytetarët që do të humbin punën nga kriza në vlerë prej 50% e pagës mesatare të punësuarit. Shteti do të paguajë kompenzim material, pagë mujore, çdo muaj në vlerë 50% e pagës mesatare mujore të punësuarit nga mesatarja e 12 muajve, 1 muajve apo 36 muajve”
Në të njëjtën kohë, për të garantuar sigurinë e buxhetit shtetëror dhe ekonominë në përgjithësi, LSDM ka propozuar shkurtimin e pagave të të gjithë funksionarëve të zgjedhur dhe emruar dhe të punësuarve në administratën shtetërore dhe publike në nivel të pagës mesatare. Nga ky shkurtim do të kursehen vetëm të punësuarit në shëndetësi, policët, ushtarët dhe ata që luftojnë me korona virusin.
Zoran Zaev, LSDM
“Të gjithë funksionarët dhe udhëheqësit shkojnë në pagë minimale. Të gjithë funksionarët e zgjedhur dhe emëruar, udhëheqësit në nivel shtetëror dhe lokal, kryeministër, zëvendëskryeministër, ministra, deputet, kryetar komunash, gjykatës, drejtor, do të marin pagë minimale prej 14.500 denarë për muajt prill dhe maj. Të gjithë të punësuarit në gjithë atëe që vlerësohet sektor publik, sektor shtetëror në nivel qendror dhe lokal, shkojnë në pagë minimale 14.500 denarë për muajt prill dhe maj.  Me rëndësi është të theksohet se kjo masë nuk vlen për të punësuarit mjek dhe ekip mjekësor, ndihmës, policët, ushtarët dhe ata që punojnë me ta dhe rreth tyre në luftën kundër korona virusit”
Në arsyetimin e këtyre masave, Zaev tha se më mirë është që të gjithë të jetojmë me më pak por sigurt sesa të lejohet kolabim i sistemit ekonomik dhe financiar në vend. Ai poashtu propozoi edhe nacionalizim të të gjitha kompanive private të cilat do të keqpërdorin momentin për të përfituar nga kriza shëndetësore me korona virusin.

Arben Zeqiri /SHENJA/

https://youtu.be/bOGKflERoA4