` . Turqia dhe Serbia nënshkruajnë 12 marrëveshje - TV-SHENJA

Turqia dhe Serbia nënshkruajnë 12 marrëveshje

Presidenti i Turqisë, Recep Tayyip Erdoğan dhe presidenti i Serbisë, Aleksandar Vuçiç, si dhe ministrat e të dyja vendeve nënshkruan sot në Beograd gjithsej 12 marrëveshje mes Turqisë dhe Serbisë, raporton Anadolu Agency (AA).

Ministrja serbe e Ndërtimtarisë, Komunikacionit dhe Infrastrukturës, Zorana Mihajlloviç dhe ministri i Komunikacionit , Infrastrukturës dhe Detarisë i Republikës së Turqisë, Ahmet Aslan, nënshkruan sot në Beograd deklaratën për bashkëpunim në sferën e komunikacionit dhe infrastrukturës mes Serbisë dhe Turqisë.

Mes dy vendeve është nënshkruar edhe Memorandum për mirëkuptim në sferën e urbanizmit.

Gjithsej 12 marrëveshje janë nënshkruar në prani të presidentit të Turqisë Recep Tayyip Erdoğan dhe presidentit të Serbisë Aleksandar Vuçiç.

Deklaratën e përbashkët politike për themelimin e Këshillit të lartë për bashkëpunim mes Serbisë dhe Turqisë e nënshkruan presidentët e dy vendeve.

Revizionin e Marrëveshjes për tregti të lirë e nënshkruan ministri turk i Ekonomisë, Nihat Zeybekci dhe ministri i Tregtisë së Jashtme, Turizmit dhe Telekomunikacionit i Serbisë, Rasim Ljajiç.

Postime të Ngjajshme