` . Sulm në ndërtesën e Parlamentit të Greqisë – TV-SHENJA

Sulm në ndërtesën e Parlamentit të Greqisë

Gjatë protestës kundër ndryshimeve në sistemin arsimor në Greqi, u sulmua ndërtesa e parlamentit me koktej molotovi, raporton Anadolu Agency (AA).

Në protestën e nxënësve në sheshin Sintagma në kryeqytetin Athinë, kundër ndryshimit të sistemit arsimor, një grup i maskuar ka hedhur koktej molotovi në kopshtin e parlamentit.

Grupi i cili hodhi koktej molotovi u largua nga vendngjarja, ndërsa policia nuk bëri ndërhyrje, ndërsa nga incidenti nuk kishte të plagosur.

Në protestën ku morën pjesë rreth 500 persona, u protestua kundër bashkimit të shkollave, shpenzimeve arsimore dhe largimit nga puna të disa mësuesve. Protestuesit mbanin parulla me mbishkrime “Mos i prekni shkollat tona”.