` . Shefi i kabinetit të Kurtit akuzon Kushtetuesen, gjyqtarët i quan njerëz qëllimkeq - TV-SHENJA

Shefi i kabinetit të Kurtit akuzon Kushtetuesen, gjyqtarët i quan njerëz qëllimkeq

Luan Dalipi, shef i kabinetit të kryeministrit në detyrë, Albin Kurti ka reaguar pas vendimit të mbrëmshëm të Gjykatës Kushtetuese që i jep të drejtë presidentit Thaçi për dekretin që mandaton Avdullah Hotin si kandidat për kryeministër.

Dalipi me anë të një postimi, është shprehur shumë ashpër duke thënë se rendi demokratik në Kosovë është nën sulm, shkruan lajmi.net.

Madje, ai nuk ka hezituar ta quaj as “standard të dyfishtë” vendimin e Kushtetueses duke thënë se është shkelur edhe vullneti i popullit.

Rendi demokratik në Kosovë nën sulm. Standard i dyfishtë nga një grusht njerëzish qëllimkeq duke përmbysur vullnetin e lirë të një populli. #DuamZgjedhje.