` . Serbi, 22 të lënduar nga përplasja e dy trenave | TV SHENJA
serbi

Serbi, 22 të lënduar nga përplasja e dy trenave

Të paktën 22 persona janë lënduar gjatë përplasjes së mbrëmshme mes një treni mallrash dhe një treni pasagjerësh jo shumë larg Novi Sadit në Vojvodinë të Serbisë, raporton Anadolu Agency (AA).

Sipas informacioneve jozyrtare, aksidenti ndodhi mbrëmë rreth orës 20:00 kur treni i pasagjerëve i cili qarkullonte në linjën Novi Sad-Sombor Vërbas, goditi në vagonin e fundit të trenit të mallrave i cili shkonte nga drejtimi i Novi Sadit drejt Suboticës.

Aksidenti ndodhi në vendbanimin Sajlovo të Novi Sadit, ndërsa për shkak të terrenit të paarritshëm, pasagjerët e lënduar janë transportuar me tren tjetër deri te stacioni kryesor hekurudhor dhe më tej janë transportuar me autoambulanca për kontroll në qendrën klinike të Vojvodinës.

Sipas të dhënave jozyrtare, 22 persona janë lënduar, prej të cilëve katër më rëndë, por askush nga të lënduarit nuk është në rrezik jete. Për shkak të fatkeqësisë mbrëmë u ndërpre komunikacioni në drejtimin hekurudhor ndërkombëtar Novi Sad – Budapest.

Postime të Ngjajshme