` . Rusi, 3 të vdekur gjatë një sulmi ndaj zyrës së FSB-së – TV SHENJA

Rusi, 3 të vdekur gjatë një sulmi ndaj zyrës së FSB-së

Agjencia ruse e Inteligjencës (FSB) njoftoi se tre persona kanë humbur jetën, duke përfshirë edhe sulmuesin, ndërsa një person është lënduar gjatë sulmit të armatosur ndaj zyrës së saj në Lindjen e Largët, raporton AA.

Nga FSB, që është trashëgimtare e KGB-së, në njoftimin e publikuar të premten theksojnë se një person i panjohur kaloi detektorin për metal, hyri në recepcionin e zyrës në Khabarovsk dhe hapi zjarr ndaj njerëzve që ishin aty.

Është vrarë një nëpunës i FSB-së dhe një vizitor, ndërsa një person është lënduar.

Nëpunësit që janë përgjegjës për sigurinë më pas vranë sulmuesin. FSB nuk shpalosi menjëherë detaje lidhur me sulmuesin.

Postime të Ngjajshme