` . Përmbytjet në Maqedoni, Shqipëria: Ngushëllime për familjet, të gatshëm për të ndihmuar - TV SHENJA

Përmbytjet në Maqedoni, Shqipëria: Ngushëllime për familjet, të gatshëm për të ndihmuar

Ministria e Punëve të Jashtme ka ndjekur me vëmendje dhe shqetësim situatën e krijuar në Maqedoni, si pasojë e reshjeve të pazakonta, që përmbytën mbrëmjen e djeshme Shkupin dhe Tetovën, duke shkaktuar një numër viktimash dhe dëme të mëdha materiale.

Në emër të qeverisë dhe Kryeministrit Edi Rama, ministri Bushati shprehu ngushëllimet më të ndjera për familjet e viktimave dhe përcolli solidaritetin e Shqipërisë në këto momente të vështira.

“Shprehim gatishmërinë e plotë për të mbështetur autoritetet qendrore dhe vendore të Maqedonisë për tejkalimin e kësaj situate të rëndë humanitare”, theksoi ministri Bushati.

Postime të Ngjajshme