` . Maqedonia e Veriut dhe Mali i Zi nënshkruan marrëveshje për shërbime sekrete - TV-SHENJA

Maqedonia e Veriut dhe Mali i Zi nënshkruan marrëveshje për shërbime sekrete

Maqedonia e Veriut dhe Mali i Zi sot nënshkruan marrëveshje për njohje të përbashkët të shërbimeve të kualifikuara si sekrete apo të besueshme dhe të skemave për identifikimin elektronik.

Kontratën e nënshkruan ministri i Shoqërisë Informatike dhe Administratës Damjan Mançevski dhe ministri malazes i Administratës Publike Suzana Pribiloviq.

Nënshkrimi i kontratës nënkupton se dokumentet elektronike të lëshuara nga institucionet e Maqedonisë së Veriut siç janë Regjistri Qendror, Dogana, Drejtoria e Evidencës së Regjistrave të Amzës dhe institucione të tjera do të njihen reciprokisht edhe në Malin e Zi. E njëjta, do të vlejë edhe për dokumentet e lëshuar sipas rrugës elektronike në Malin e Zi.

“Në këtë mënyrë, qytetarëve nga të dy vendet do t’i tejkalojnë procedurat administrative dhe kohën e nevojshme për lëshimin e dokumenteve, theksoi Mançevski, duke shtuar se me nënshkrimin e marrëveshjes, të dy  vendet si pjesë e procesit të Berlinit tregojnë se dëshirojnë dhe mund të punojnë së bashku, respektivisht se janë të gatshëm që t’i  kalojnë barrierat  midis shteteve në rajon.

Kontrata, siç citojnë nga Ministria për Shoqëri Informatike dhe Administratë, do të kontribuojë  për rritjen e bashkëpunimit dhe zhvillimit të aktiviteteve ekonomike midis dy shteteve dhe drejt përshpejtimit të procesit të transformimit digjital.