` . Mansory zgjeron Urusin e Lamborghinit me çmim marramendës - TV-SHENJA

Mansory zgjeron Urusin e Lamborghinit me çmim marramendës

Urus është SUV-i i parë i prodhuesit italian të hiper-veturave sportive, Lamborghini, i cili në versionin bazë është shumë i fuqishëm dhe tërheqës. Atyre të cilëve nuk iu duket mjaftueshëm, kompania gjermane e cila merret me modifikimin e veturave, Mansory, ka përgatitur një paketë të veçantë, transmeton Koha.net.

Kjo paketë quhet “Mansory Lamborghini Urus Venatus” dhe përfshinë zgjerimin e këtij SUV-i tërheqës si dhe rrotat speciale “Yavin” 24-inçësh.

Mansory nuk ka specifikuar të dhënat teknike dhe ndonjë ndryshim në motor, por mund të pritet që fuqia e motorit të këtij Urusi të përforcohet dukshëm, varësisht nga dëshira e klientit.

Ky Urus, po ashtu, ka motor 4.0-litër V8 me kapacitet prej 641 kuajfuqi, gjë që është e mjaftueshme që shpejtësinë nga 0 deri në 100 kilometra në orë ta arrijë për 3.6 sekonda dhe atë maksimale deri në 305 km/h.

Gjithashtu, edhe interieri i këtij Urusit është ridizajnuar tërësisht por në përputhje me trendin e prodhuesit italian. Në interier, më shumë dominon lëkura më cilësore dhe disa pjesë nga fibra të karbonit.

Sa i përket çmimit, “Mansory Lamborghini Urus Venatus” kushton 475,762 euro.