` . Ish-truproja e Mijallkovit arratiset nga arresti shtëpiak - TV-SHENJA

Ish-truproja e Mijallkovit arratiset nga arresti shtëpiak

Draganço Stoimenov i njohur si Daco Belski, ish truprojë e Sasho Mijallkovit është arratisur nga arresti shtëpiak. Siç theksojnë nga MPB-ja gjatë kontrollimit të fundit është konstatuar se ai nuk është në shtëpi. Me urdhër të gjykatës MPB po ndërmerr masa për gjetjen e tij.

“Belskit gjykata i ka shqiptuar masën e arrestit shtëpiak dhe sipas kompetencave, policia disa herë gjatë ditës bën kontrollime. Me urdhër të gjyqit menjëherë janë ndërmarrë masa dhe aktivitete për gjetjen e personit”, thonë nga Ministria e brendshme. Stoimenov akuzohet për gjuajtje me armë zjarri në një lokal. Ky është rasti i dytë në një periudhë të shkurtër kohore kur nga arresti shtëpiak ikin të akuzuarit. I fundit që u arratis ishte vrasësi i Martin Neshkovskit Igor Spasov.