` . Hedh në lumë BMW-në dhuratë nga prindërit sepse kishte dashur Jaguar - TV-SHENJA

Hedh në lumë BMW-në dhuratë nga prindërit sepse kishte dashur Jaguar

Pak janë fëmijët që si dhuratë ditëlindjeje nga prindërit marrin makina. Edhe më të paktë janë ata që si makinë marrin një BMW 45-mijë euroshe.

 Por ky 22-vjeçar në Indi nuk ka qenë aspak i kënaqur nga prindërit edhe me këtë dhuratë. Për inat, ai e ka futur makinën në ujë, e ka filmuar duke u mbytur, dhe videon ia ka çuar të atit për t’i treguar se çfarë ndodh kur nuk i blen djalit Jaguarin që kërkon.

Ngjarja ka tërhequr vëmendjen e mediave, dhe prindërit kanë deklaruar për Fox News se ata e dinin që Jaguari ishte më i preferuar, por BMW-në mund ta përballonin me paratë që kishin për të birin,  ndaj prisnin që ai të kënaqej dhe me të. Kurrsesi nuk prisnin të ndodhte kjo.

Disa kalimtarë që u ndien keq për makinën e shtrenjtë u përpoqën shumë që ta nxjerrin nga uji, por nuk patën sukses. BMW-ja mbeti në fund të lumit, ndërsa djali mosmirënjohës, i quajtur Akash, u arrestua nga policia dhe u qortua nga opinioni në masë.