` . Aksident rrugor në Maqedoni, shuhet tragjikisht familja – TV-SHENJA

Aksident rrugor në Maqedoni, shuhet tragjikisht familja

Një fëmijë i vogël dhe prindërit e tij kanë humbur jetën sot pasdite në një aksident të rëndë automobilistik rreth dhjetë kilometra nga qyteti i Dellçevës.

Në këtë aksident, në vendin e ngjarjes kanë ndërruar jetë 32 vjeçari D.D. i cili i jepte makinës, bashkëshortja e tij 27 vjeçare dhe biri i tyre 2 vjeçar.

Fatkeqësia ka ndodhur me përplasjen e drejtpërdrejtë mes automjetit tip ‘Fiat Punto’ me targa të Dellçevës me kamion të ngarkuar me drunj me targa të Shtipit, e drejtuar nga 56 vjeçari P.G. nga Shtipi.

Aksidenti është denoncuar në ora 15:40, ndërsa ka ndodhur në rrugën magjistrale Koçan-Dellçevë te vendi Leshtaro.